Bacha jab janam (born) leta hai tab unka weight kitna hai uske aadhar se tay hota hai ki bacha healthy hai ya nahi. matlab ki bacha agar underweight (vajan me kam) hai to wo kamjor mana jata hai. Aur agar bache ka weight sahi hai to wo healthy mana jata hai. To is article me hum ye janege ki bache ko healthy kaise banaye aur agar bacha kamjor hai to wo kyu hai aur uski kamjori kaise dur kare.
Jab bacha peda hota hai to sabse pahele to har mata-pita ya rishtedar yahi puchte hai ki bacha healthy hai? Unka weight kitna hai? Mana ki ye bhi sahi hai par bache ki tulna kisi dusre bache se karte hai ye bilkul galat bat hai kyuki har bacha ek dusre se alag hota hai. Agar aapka bacha healthy hai to sab thik hai par agar aapka bacha kamjor hai to wo chinta ka vishay hai.
To chaliye sabse pahele to ye jan lete hai ki bacha underweight kab mana jata hai? To iska jawab hai jab bacha peda hota hai tab unka weight kam se kam 2.5 kg tak hona chahiye. Us se kam hai to bacha underweight me gina jata hai.
Aapko is article me bahut sari jankari milegi jis se aapki chote bache ke weight se lekar sari samsya dur ho jayegi.
Born (जन्म) ke samay Baby ka weight kitna hona chahiye?
जन्म ke samay bache ka weight agar 3kg ya us se jyada hai to bacha healthy mana jata hai. Agar 3 kg kam hai to bhi bacha healthy hi hota hai aisa kuch nahi hai par jaise mene pahele bataya ki agar bache ka weight 2.5 kg se kam hai to bacha kamjor mana jata hai.
To janam ke samay bache ka weight 3 kg tak hona chahiye.
Baby ka weight kitna badhana chahiye?
Agar bache ke weight ko badhne ki bat kare to ye samay aur umra (age) ke hisab se alag alag hota hai. Jaise ki, Pahele 3 mahine tak bache ka weight har hapte (every week) 200gm tak badhta hai.uske bad ke mahine me har hapte 150gm tak aur uske agale 6 mahine tak bache ka weight 100gm tak hi badhta hai.
Bache ka weight hai wo 3-4 mahine me uske weight se 2 guna ho jaye to bache ka vikas sahi se ho raha hai aisa mana jata hai.
Uske bad bacha jab tak 6 sal ka ho jaye tab tak unka weight har sal 2 kg tak badhana chahiye aur uske bad teen age me aane tak har sal 3 kg tak badhata hai to bacha bilkul healthy mana jata hai.
Bache ka weight kaise badhaye? – दुबले पतले बच्चों का वजन कैसे बढ़ाएं
Bacho ka weight badhane ke liye khas to unke khan-pan par vishesh dhyan rakhna padta hai aur bhi kai sare factor hai jis par hum aage bat karege.
– Agar navjat shishu (छोटे बच्चे) ki bat kare to unka pura vikas aur weight ka badhana hai wo maa ke dudh ke upar depend (आधार) karta hai. Is liye jitna maa ka dudh healthy hoga utna hi bache ka weight badhega. Iske liye maa ko poshtik aahar lena chahiye jis ke karan navjat shishu ko pura poshan mile aur unka weight badhe.
Navjat shishu ki maa ko unhe har 2-2 ghante me breastfeed karvana hai jis se bacha bhukha na rahe aur unka weight badhne me tezi ho.
– Ab bat karte hai 1-2 sal ke bacho ki to aapko unhe jab tak bacha khud se khana nahi khata tab tak aapko hi khilana hai aur har roj nayi nayi dish banaiye jis se bache ko bhi khane me interest aaayega aur bacha bade pyaar se khayega. Aur bacha ache se khana khayega to unka weight bhi badhega.
Par yad rahe ki bache ko har tarah ki dish me sare nutritions milne chahiye jo bache ke vikas ke liye jaruri hai kyuki sirf weight badhane se kuch nahi hota uske sath bacha healthy bhi rahena chahiye.
– 3 sal se bade bacho ke liye bat kare to 3 sal se badhe bache khud hi khana kha lete hai to uske liye aapko wo ache se khana khaye uski practice karani hai, matlab ki kahi bar bache jitna khate nahi utna to wo aaspas me gira dete hai jis ki wajah se bacha pura khana nahi khate aur unko pura poshan nahi milta hai aur weight nahi badh pata.
Bache ko jab bhi khana khilana ho uske 30 minutepahele usko pani avshya de kyuki Ise bache ko jyada bhukh lagegi aur unki pachanshakti (चयापचय की क्रिया) bhi jaldi hogi jis se bacha jo bhi khayega wo asani se pachan ho jayega aur sare poshak tatva hai wo bache ke sharir me jayege jis se bache ka weight badhega.
Bache jab school jate hai to wo apna lunch box me jo bhi lunch ya nasta hai unko pura finish kare unka bhi dhyan rakhna hai is ke liye aapko bacho ki favourite dish banake lunchbox me deni hai. Jisko bacha khel khel me kha lega aur bache ka weight bhi badhega.
Bache ko healthy kaise banaye?
Bacho ko healthy banana ke liye har parents ko niche diye gai kuch points ka dhayan rakhna padega.
- Khan-pan ka dhyan rakhe
- Bache ko healthy khana khilaye
- Bache ki nind puri hone de
- Bache ko outdoor khelne de
- Bache ke sath samay bitaiye
- Bache se physical activity karvaye
- Bache ko self-discipline ke bare me bataye
- Bache ke sath ghumne jaye
- Bache ke sath sawal-jawab game kheliye
- Bache ko health ke bare me aware kariye
Parents ye kuch choti choti chize hoti hai agar hum un par vishesh dhyan de to bacha hai wo healthy bhi banega aur bache ka dimag bhi vikshit hoga.
Bache ko healthy banane ke liye kya khilaye?
Uapr diye gaye points ko to aapko dhayan me rakhna hi uske sath me aapko bataugi ki bacho ko healthy rakhne ke liye unke khan-pan ka dhyan rakhna hai to hum aisa kya khilaye jis se bacha hai wo healthy banega. To chaliye ye bhi jan lete hai.
1. Milk – दूध
Aapko bache ke aahar me kisi bhi foam me dudh ko shamil jarur karna hai wo chahe dudh, dahi, paneer, milkshake, dryfruit shake kyu na ho aapko bache ko roj dudh dena hi hai. Kyuki dairy products me kafi matra me protine aur calcium hota hai jo bache ke vikas liye jaruri hai.
2. Banana – केला
Banana bhi calcium ka acha source hai to aapko bache ke diet me banana ko jarur shamil karna hai.agar aapka bacha banana nahi khata hai to aap use banana milk shake banake bhi pila sakte ho.
3. Potato – आलू
Potato me carbohydrate ki matra sari hoti hai jo bache ke weight ko badhane me madad karti hai. Aap chaho to bache ko potato chips ya aaloo ki sabji bana ke khila sakte ho.
4. Egg- अंडा
Egg me bahut sara protine hota hai jo bache ke weight ko badhane me aur bache ko healthy rakhne me madad karta hai to aapko bache ke diet me egg ko shamil jrur karna hai. Agar aap vegetarian hai to aap egg ko skip kar sakte ho.
5. Ragi – रागी
Ragi ek prakar ka anaj hai jo bahut sare vitamins se bharpur hai. Aapko bache ko ragi avshya dena chahiye. Ragi khilane se bache ko bahut sare nutritions milte hai.
6. Oats – ओट्स
Oats me magnesium, iron, phosphorus, zinc, folate, copper, vitamins B-1 and B-5 jaise tatva paye jate hai jis se bache ke vikas me madad milti hai aur bacha healthy bhi raheta hai.
7. Pulses – सभी दाल
Aapko apne bache ko har tarah ki pulses khane me deni hai. Pulses me protein ki matra jyada hoti hai inke sath sath is me bahut sare minrals aur vitamins paye jate hai jo bache ke sampoorna vikas ke liye jarurui hote hai to aapko bache ke diet me pulses ka upyog avshya karna hai.
8. Dryfruits – डॉयफ्रुइट्स
Aapko bache ke diet me dryfruits ko jrur shamil karna hai kyuki dryfruits me energy ki matra jyada hoti hai jo bache ke vikas me madad karti hai aur bache ko healthy bhi banate hai. Aap dryfruits ko direct bhi de sakte ho aur agar bacha chota hai to aap dryfruit powder banakar dudh ke sath de sakte ho.
9. Fruits – फल
Bache ke diet me rojana fruits hone hi chahiye kyuki fruits me fibers ki matra jyada hoti hai jo bache ko constipation ki samsya se bachata hai aur bache ko vitamin-c kafi matra me mil jata hai jis se bache ki rogpratikarak Shakti (immune system) strong (मजबूत) hoti hai aur bache healthy rahete hai.
Abhi corona ke chalate bache ki immune system strong hona bahut jaruri hai. To bache ko corona se bacha sakte hai.
10. Vegetables – शाकभाजी
Bache ke liye hari sabjiya bahut hi jaruri hai kyuki bache ko maximum nutrition hai wo hari sabji o me se mil jate hai jo bache ko healthy rakhne me aur bache ke vikas me madad karte hai to aapko apne bache ke diet me hari sabjiye jarur se shamil karni hai. Jyadatar bache sabji khana pasand nahi karte hai to uske liye aap bacho ko mix veg. khichdi, mix veg dal, mix veg paratha bana ke khila sakte ho.
Bacha kamjor kyu hota hai?
Bache ka kamjor hone ka mukhya karan samay se pahele peda hona hota hai. Ya pregnancy ke dauran maa ko khun ki kami raheti hai to bhi bacha kamjor peda hota hai.
Bache ke janam ke bad bache ko sahi se breastfeed nahi karvana ya fir bache ko sahi se jo poshan chahiye wo nahi milta jis ki wajah se bhi bacha kamjor hota hai. Jyadatar bache peda hote hai tab se hi kamjor hote hai. Par kamjor bache bhi healthy ban sakte hai bas hume unki vishesh dekhbhal karni padti hai.
To chaliye jan lete hai ki bacha kamjor hai to unhe healthy kaise banaye unke bare me.
Bacho ki kamjori kaise dur kare?
Bacho ki kamjori dur karne ke liye aapko niche di gai bato ka vishesh dhyan rakhna hai.
1. 1. Bache ka khan-pan ka – खान-पान पे ध्यान दे
Bache ko agar sahi se nutrition wala khana khilaya jaye to unka sahi se vikas ho sakta hai aur bache ki kamjori dur hoke bacha healthy bhi banega. Jaise ki mene upar bataya ki bacho ko healthy banane ke liye kya khilana hai wo sare foods aap bacho ko khila sakte ho.
2. Bache ki nind – नींद पूरी होने दे
Bache ki kamjori dur karne ke liye unki nind ka pura hona bahut hi jaruri hai. bacha jitni gaheri nind lega utna uska development ache se hoga.
3. Active rakhiye – खेलने-कूदने दे
Bache ko play time jarur de. Bacha jitna physically active rahega utni hi unko bhukh lagegi aur bache jyada khayega jinse unki kamjori dur hogi.
4. Haemoglobin star badhaiye – हीमोग्लोबीन बढ़ाइये
Bache ko haemoglobin badhane wale foods khilaye jis me se haemoglobin milta ho is se bache ke sharir me takat aayegi aur bache ki kamjori dur hogi.
5 5. Doctor ki salah le – डॉक्टर की राय ले
Agar aapka bacha bahut hi kamjor hai tab aapko doctor ko consult karna chahiye aur doctor ki batayi gai medicines le.
To ye tha pura article bache ko healthy kaise banaye – दुबले पतले बच्चों का वजन कैसे बढ़ाएं aur bache ki kamjori kaise dur kare ke bare me. Ummid hai ki aapko is article se sahi jankari mili hogi.
Happy Parenting
ये भी पढ़े :
क्या है बच्चों को बोतल से दूध पिलाने के नुकसान और फायदे – जानिए
ऐसे करे नवजात शिशु की मालिश और मालिश करने की विधि
